Dâ wont ein werlîchiu schar.
ich will iu künden umbe ir nar.
si lebent von einem steine:
des geslähte ist vil reine.
hât ir des niht erkennet,
der wirt iu hie genennet.
er heizet lapis exillîs.
von des steines craft der fênîs
verbrinnet, daz er ze aschen wirt:
diu asche im aber leben birt.
sus rêrt der fênîs mûze sîn
unt gît dar nâch vil liehten schîn,
daz er schoene wirt als ê.
ouch wart nie menschen sô wê,
swelhes tages ez den stein gesiht,
die wochen mac ez sterben niht,
diu aller schierest dar nâch gestêt.
sîn varwe im nimmer ouch zergêt:
man muoz im sölher varwe jehen,
dâ mit ez hât den stein gesehen,
ez sî maget oder man,
als dô sîn bestiu zît huop an,
saeh ez den stein zwei hundert jâr,
um enwurde denne grâ sîn hâr.
(Wolfram von Eschenbach, Parzival, Cap. 469)

Hic lapis exillis extat precio quoque villis
spurinitur a stultis, amatur plus ab aedoctis
(Arnoldo di Villanova)